جنوری کیلئے سوئی ناردرن کیلئے ایل این جی سستی اور سوئی سدرن کے لیے مہنگی کردی گئی۔ اوگرا نے سوئی ناردرن سسٹم پر ایل این جی 1.81فیصد سستی کر دی گئی۔
آئل اینڈ گیس ریگولیٹری اتھارٹی (اوگرا) کی جانب سے جاری نوٹیفکیشن کے مطابق سوئی ناردرن سسٹم پر ایل این جی کی قیمت میں 0.23 ڈالر فی ایم ایم بی ٹی یو کمی کی گئی ہے۔
اوگرا نوٹیفکیشن کے مطابق سوئی ناردرن کیلئے ایل این جی کی قیمت 12.66 ڈالر فی ایم ایم بی ٹی یو مقرر کی گئی ہے۔
سوئی سدرن کیلئے ایل این جی 0.05 ڈالر فی ایم ایم بی ٹی یو مہنگی کی گئی ہے۔ سوئی سدرن کیلئے ایل این جی 0.45 فیصد مہنگی ہوئی ہے۔
اوگرا کے نوٹیفکیشن کے مطابق سوئی سدرن کیلئے ایل این جی کی نئی قیمت 12.60 ڈالر فی ایم ایم بی ٹی یو مقرر کی گئی ہے۔
