کراچی (نیوز ڈیسک) چین کا یارلونگ تسانگپو پر بڑے پیمانے پر ہائیڈروپاور منصوبہ، بھارت کیلئے مشکلات، انڈیا نے آبی عدم تحفظ کا شکار ہوکر برہماپترہ پر ہائیڈروپاور منصوبہ شروع کر دیا، ماہرین نے دونوں ملکوں میں جنگ کے خطرات کی نشان دہی کی ہے۔ بھارتی میڈیا کے مطابق چین تبت میں یارلونگ تسانگپو دریا پر ایک 168ارب ڈالر کا ہائیڈروپاور منصوبہ بنا رہا ہے جس سے بھارت کے زیرِ انتظام ارونچل پردیش اور آسام کے علاقوں میں آبی تحفظ، ماحولیاتی توازن اور معیشت پر سنگین اثرات پڑنے کا خطرہ ہے۔ چین کے اس منصوبے سے دریا کے بہاؤ پر قابو پانے کی صلاحیت مل سکتی ہے۔
