صادق آباد سے کوئٹہ جانے والی مسافر بس سے اغواء کیے گئے تمام 14 مسافر بازیاب کروا لیے گئے۔
ڈپٹی سپریٹنڈنٹ آف پولیس (ڈی ایس پی) اباڑو عبدالقادر نے کشمور میں اغواء کیے گئے تمام مسافروں کی بازیابی کا دعویٰ کیا ہے۔
انہوں نے کہا ہے کہ بس کنڈکٹر مغوی مسافروں کی صحیح تعداد نہیں بتا سکا تھا، ڈاکوؤں نے 19 نہیں 14 مسافروں کو اغواء کیا، جن میں سے 13 مغوی زندہ بازیاب کرائے گئے ہیں۔
ڈی ایس پی عبدالقادر نے بتایا کہ واردات کے دوران دل کا دورہ پڑنے سے انتقال کر جانے والے ایک مسافر کی لاش بھی مل گئی ہے۔
واضح رہے کہ ڈاکوؤں نے مقابلے کے دوران پولیس کی بکتر بند پر راکٹ فائر کیے تھے، جس میں ایک پولیس اہلکار زخمی ہوا۔
