کراچی (شکیل یامین کانگا/ اسٹاف رپورٹر) پاکستانی فٹبال کی تاریخ میں پہلی بار قومی خواتین فٹبال ٹیم براہ راست فیفا کے کسی ایونٹ میں شرکت کریگی۔ پاکستان فٹبال فیڈریشن کے سربراہ سید محسن گیلانی کے مطابق فیفا فٹبال سیریز فیفا کے صدر گیانی انفانٹینو کا برین چائلڈ پروگرام ہے اور فیفا سیریز میں ان ممالک کو کھیلنے کے لیے منتخب کیا جاتا ہے جو ہر 4 سال بعد منعقد ہونے والے فیفا ورلڈ کپ کے لیے منتخب نہیں ہوتے۔ محسن گیلانی نے خوشی کا اظہار کرتے ہوئے کہا کہ یہ پاکستان فٹبال کے لیے تاریخی لمحہ ہے ۔
