بھارتی پارلیمنٹ میں اپوزیشن ارکان نے پہلگام حملے اور آپریشن سندور پر تفصیلی بحث کرانے کا مطالبہ کردیا۔
بھارتی میڈیا کے مطابق پارلیمنٹ میں آپریشن سندور پر بحث کے لیے اپوزیشن کی جانب سے ہنگامہ آرائی کی گئی۔
کانگریس رہنما راہول گاندھی نے کہا کہ پارلیمنٹ میں حکومتی ارکان کو ہی بولنے کی اجازت دی جاتی ہے۔
ان کا کہنا تھا کہ میں اپوزیشن لیڈر ہوں مجھے نہیں بولنے دیا گیا۔
بھارتی میڈیا کا کہنا ہے کہ بھارتی پارلیمنٹ میں آپریشن سندور پر بحث اگلے ہفتے ہوگی۔
