33 C
Lahore
Monday, July 21, 2025
ہومقومی خبریںوزیرِ داخلہ محسن نقوی کی کابل میں افغان ہم منصب سراج الدین...

وزیرِ داخلہ محسن نقوی کی کابل میں افغان ہم منصب سراج الدین حقانی سے ملاقات، دو طرفہ امور پر گفتگو


—تصویر بشکریہ سوشل میڈیا

وفاقی وزیرِ داخلہ محسن نقوی نے کابل میں اپنے افغان ہم منصب سراج الدین حقانی سے ملاقات کی۔

اس موقع پر دو طرفہ تعلقات، انسدادِ دہشت گردی، در اندازی اور کالعدم تحریکِ طالبان کے حوالے سے تبادلۂ خیال کیا گیا۔

اس موقع پر پاک افغان بارڈر منیجمنٹ اور دہشت گردی کے خاتمے کے لیے باہمی تعاون مضبوط کرنے پر اتفاق بھی کیا گیا۔

دونوں رہنماؤں نے پاک افغان سرحد کی مؤثر مینجمنٹ، منشیات کی روک تھام اور سرحد پار نقل و حرکت کو منظم کرنے کے طریقۂ کار پر بھی بات چیت کی۔

ملاقات میں پاکستان میں غیر قانونی طور پر مقیم افغان شہریوں کے وطن واپسی کے عمل پر بھی گفتگو ہوئی۔

وزیرِ داخلہ نے کہا کہ دہشت گرد تنظیمیں فساد اور عدم استحکام کا باعث بن رہی ہیں، مل کر روکنا ہو گا، پاکستان افغانستان کے ساتھ برادرانہ اور دیرپا تعلقات کا خواہاں ہے۔



مقالات ذات صلة

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

الأكثر شهرة

احدث التعليقات