کراچی:
ٹھٹہ کے قریب پیش آنے والے افسوسناک ٹریفک حادثے میں کم از کم 6 افراد جاں بحق جبکہ 10 سے زائد افراد زخمی ہو گئے۔
جاں بحق اور زخمی افراد کا تعلق کراچی کے علاقے اورنگی ٹاؤن سے بتایا جا رہا ہے، جو بس کے ذریعے کلری پکنک منانے کے لیے جا رہے تھے۔
ایدھی فاؤنڈیشن کے حکام کے مطابق حادثہ سجاول کے قریب پیش آیا، حادثے کے فوری بعد امدادی ٹیمیں موقع پر پہنچ گئیں اور لاشوں کے ساتھ زخمیوں کو بھی قریبی اسپتال منتقل کر دیا گیا ہے، جہاں بعض زخمیوں کی حالت تشویشناک بتائی جا رہی ہے۔
