پاکستان انڈر 16 والی بال ٹیم نے تھائی لینڈ میں تاریخ رقم کر دی، پاکستان نے دفاعی چیمپئن ایران کو ہرا کر ایشین انڈر 16 والی بال چیمپئن شپ جیت لی۔
ایشین انڈر 16 والی بال چیمپئن شپ کے فائنل میں پاکستان نے ایران کو سنسنی خیز مقابلے کے بعد تین۔دو سے ہرایا، پاکستان نے ابتدائی دو سیٹس ہارنے کے بعد کم بیک کرکے تاریخی فتح اپنے نام کی۔
پاکستان نے پہلی مرتبہ ایشین انڈر 16 والی بال چیمپئن شپ جیتی ہے، قومی ٹیم کی جیت کا اسکور 22-25، 21-25، 30-28، 25-21 اور 15-10 رہا، پاکستان کی جانب سے محمد جنید اور فیضان اللّٰہ نے شاندار کھیل پیش کیا۔
