نیو دہلی:
بھارت کو آپریشن سندور میں عبرتناک شکست کے بعد عالمی سطح پر ہزیمت کا سامنا ہے اور برازیل نے آکاش میزائل کی خریداری کے لیے ہونے والے مذاکرات ختم کردیے ہیں۔
دکن ہیرالڈ کی رپورٹ کے مطابق برازیل نے بھارت کے آکاش میزائل سسٹم کی خریداری کے لیے مذاکرات ختم کر دیے ہیں اور ڈیفنس ایکسپریس رپورٹ کیا کہ مذاکرات کا اختتام بھارت کی جانب سے سسٹم کا جدید ترین ورژن فراہم نہ کرنے پر ہوا ہے۔
برازیلی فوج درمیانی سے طویل رینج کے فضائی دفاعی نظام کی تلاش میں ہے، بھارتی کمپنیوں نے صرف آکاش کا پرانا ورژن فراہم کرنے کی پیش کش کی تاہم برازیل نے اس پرانے ورژن کو “فرسودہ” قرار دے کر مسترد کر دیا۔
رپورٹ میں بتایا گیا کہ معاہدے کی مجموعی مالیت تقریباً 5 ارب بھارتی روپے ہے۔
دکن ہیرالڈ کے مطابق مذاکرات کے ختم ہونے کے بعد برازیل نے اٹلی کے ساتھ بات چیت کا آغاز کردیا ہے اور اب برازیل اطالوی ایئرڈیفنس سسٹم EMADS حاصل کرنے پر غور کر رہا ہے۔
خیال رہے کہ معرکہ حق میں شکست کے بعد عالمی سطح پر بھارتی ہتھیاروں کی ساکھ بری طرح متاثر ہوئی ہے۔
