چیئرمین پاکستان کرکٹ بورڈ محسن نقوی نے ورلڈ ماسٹرز اسنوکر چیمپئن شپ جیتنے پر محمد آصف کو دل کی گہرائیوں سے مبارکباد دی ہے۔
محسن نقوی نے کہا کہ فائنل میں محمد آصف نے بھارتی حریف کو شکست دے کر پاکستان کے قومی پرچم کی شان میں اضافہ کیا۔
ان کا کہنا تھا کہ محمد آصف نے زبردست مہارت اور صلاحیتوں کا لوہا منوا کر چیمپئن شپ جیتی، محمد آصف نے قوم کا مان اور وقار بڑھایا۔
چیئرمین پاکستان کرکٹ بورڈ نے کہا کہ کھیل ہو یا کوئی اور میدان پاکستان ہر محاذ پر کامیابیوں کے جھنڈے گاڑ رہا ہے۔
انہوں نے مزید کہا کہ انشاء اللّٰہ پاکستان اور ہمارے باصلاحیت نوجوانوں کی کامرانیوں کا سلسلہ اب اسی طرح چلتا رہے گا۔
