پاکستان اسپورٹس بورڈ نے پاکستان ہاکی فیڈریشن کو کھلاڑیوں کو ڈیلی الاؤنس ادا نہ کرنے پر خط لکھ کر وضاحت طلب کرلی ہے۔
پی ایس بی کے ہاکی فیڈریشن کو لکھے جانے والے خط کی کاپی جیو نیوز نے حاصل کرلی ہے جس کے مطابق پی ایس بی کا موقف ہے کہ ہاکی فیڈریشن نے گذشتہ ایک سال میں دیئے گئے فنڈز کا بھی کوئی حساب کتاب جمع نہیں کرایا۔
خط میں فیڈریشن کو کئی بار دیئے گئے فنڈز کے اخراجات کی رپورٹس جمع کرانے کا کہا گیا ہے۔
پاکستان اسپورٹس بورڈ نے ٹیم کیلئے جو رقم دی وہ کہاں کب اور کیسے خرچ ہوئی۔
اس کے علاوہ پی ایس بی نے ہاکی فیڈریشن سے گزشتہ چھ ماہ کا بینک اسٹیٹمنٹ، غیر ملکی دوروں اور اسلام آباد میں پی ایچ ایف کے نئے دفتر پر آنے والے اخراجات اور پی ایچ ایف کے فیصلوں پر ایگزیکٹو بورڈ کی منظوری کے ثبوت بھی مانگ لیے ہیں۔
