محکمہ صحت پنجاب نے صوبہ بھر میں نجی لیبارٹریز سے ڈینگی ٹیسٹ کی فیس کا نوٹیفکیشن جاری کر دیا ہے۔ پرائیویٹ لیب میں ڈینگی ٹیسٹ، سی بی سی، کی فیس 90 روپے مقرر کی گئی ہے۔
نوٹیفکیشن کے مطابق پرائیوٹ لیب میں ڈینگی کے دیگر ٹیسٹ این ایس ون، آئی جی ایم اور آئی جی جی ڈیڑھ ہزار روپے میں کیے جائیں گے۔
ڈینگی ٹیسٹ رپورٹس 24 گھنٹے میں دی جائیں گی۔ رپورٹس میں تمام ضروری معلومات بیچ نمبر، ٹیسٹ کے لیے استعمال میں آنے والی مشین اور کٹ کے بارے میں بھی معلومات درج کی جائیں گی۔
پرائیوٹ لیب کے لیے ڈینگی ٹیسٹوں کی فیس پر عمل درآمد فوری طور پر لاگو کر دیا گیا ہے۔
