برطانوی شہزادی کیٹ مڈلٹن کی سابق معاون (پرسنل اسسٹنٹ) نتاشا آرچر نے میگھن مارکل اور ان کے قریبی دوستوں کو انسٹاگرام پر اَن فالو کردیا۔
37 سالہ نتاشا آرچر نے حال ہی میں 15 سالہ خدمات کے بعد کیٹ مڈلٹن کی ذاتی معاون اور اسٹائلسٹ کے طور پر استعفیٰ دیا تھا۔
انہوں نے اپنا انسٹاگرام اکاؤنٹ پبلک کیا اور اس کے بعد شاہی خاندان کے پرستاروں نے فوراً نوٹ کیا کہ انہوں نے نہ صرف میگھن مارکل بلکہ ان کے قریبی دوستوں کو بھی سوشل میڈیا پر اَن فالو کردیا ہے۔
امریکی میڈیا کے مطابق نتاشا آرچر اب بھی شہزادہ ولیم اور شہزادی کیٹ مڈلٹن کے سرکاری انسٹاگرام اکاؤنٹ کو فالو کر رہی ہیں۔
دوسری جانب نتاشا آرچر نے شاہی محل چھوڑنے کے بعد اپنا نجی ادارہ شروع کرنے کا ارادہ ظاہر کیا ہے، جس سے متعلق ان کے انسٹاگرام بائیو میں بھی تحریر کیا گیا ہے۔
خیال رہے کہ نتاشا آرچر نے 2010 میں شاہی خاندان کے قریبی حلقے میں شمولیت اختیار کی تھی اور انہوں نے شہزادہ ولیم و شہزادی کیٹ دونوں کی معاونت کی تھی۔
