معروف پاکستانی اداکارہ اور ماڈل حرا مانی ایک بار پھر اپنی بولڈ تصاویر کی وجہ سے تنقید کی زد میں آ گئی ہیں۔
حالیہ دنوں میں اُن کی مسلسل بولڈ تصاویر اور ویڈیوز سوشل میڈیا پر چھائی رہتی ہیں اور ہنگامہ برپا کرتی رہی ہیں، تازہ ترین تصاویر میں وہ نیلے اور گلابی رنگ کی بنارسی ساڑھی اور بغیر آستینوں کا بلاوز پہنے دکھائی دے رہی ہیں۔
تاہم ان کے اس لباس پر کئی صارفین نے برہمی کا اظہار کیا ہے۔
سوشل میڈیا پر مختلف صارفین نے سخت تبصرے کیے، جس میں کہا گیا کہ لگتا ہے ان کی ذہنی حالت ٹھیک نہیں، جب پوری مسلم دنیا میں ظلم و ستم جاری ہے، پاکستانی فنکاروں کو صرف فحاشی کی فکر ہے۔
صارفین نے کہا، ’کوئی آپ سے حجاب کا مطالبہ نہیں کر رہا، لیکن کم از کم ان بغیر آستین کے کپڑوں سے تو بچیں، آپ کی یہ حرکتیں افسوسناک ہیں۔‘
صارفین کا کہنا تھا کہ پاکستانی شوبز شخصیات کو چاہیے کہ وہ اپنے رویوں اور لباس کے انتخاب میں معاشرتی اقدار اور اسلامی حدود کا خیال رکھیں۔
واضح رہے کہ حرا مانی کے انسٹاگرام پر 80 لاکھ سے زائد فالوورز ہیں، وہ اپنے کئی مقبول ڈراموں سے شہرت حاصل کر چکی ہیں، ان دنوں وہ جیو ٹی وی کے ڈرامے ڈائن میں شباب کے کردار میں نظر آ رہی ہیں، جس میں اُن کی اداکاری کو سراہا جا رہا ہے۔
