نیو یارک سٹی کے اطراف میں شدید بارشوں سے سیلاب کا خطرہ پیدا ہو گیا ہے۔
مغربی میڈیا کے مطابق نیو یارک، نیو جرسی اور کنیٹیکٹ سے گزرنے والا طوفان سُست رفتاری سے آگے بڑھ رہا ہے اور وہاں بارشیں ابھی مزید کچھ گھنٹے جاری رہیں گی۔
نیو جرسی کے گورنر فِل مرفی نے شدید بارشوں اور اچانک سیلاب کے خطرے کے باعث ہنگامی صورتِ حال نافذ کر دی ہے اور لوگوں کو غیر ضروری سفر نہ کرنے کی ہدایت دی ہے۔
مغربی میڈیا کے مطابق میساچیوسٹس سے لے کر ورجینیا تک سیلاب کی وارننگ ہے جبکہ پانی کے چڑھاؤ میں 2 سے 3 انچ فی گھنٹہ اضافہ ہو رہا ہے۔
امریکا کے ایسٹ کوسٹ میں ہوا میں نمی کا تناسب بہت زیادہ ہے اور ہوا بھی کم چل رہی ہے جس کی وجہ سے طوفان ایک ہی جگہ پر معمول سے زیادہ دیر تک اٹکا ہوا ہے۔
