26.9 C
Lahore
Tuesday, July 15, 2025
ہومقومی خبریںبڑی کارروائیاں کرکے اربوں کی منشیات پکڑلی، مکیش چاؤلہ

بڑی کارروائیاں کرکے اربوں کی منشیات پکڑلی، مکیش چاؤلہ


صوبائی وزیر مکیش چاولہ(فائل فوٹو)۔

سندھ کے وزیر ایکسائز مکیش چاؤلہ نے کہا کہ پچھلے چند دنوں میں منشیات کے خلاف بڑی کارروائیاں کی ہیں۔ 

کراچی میں پریس کانفرنس سے خطاب کرتے ہوئے انھوں نے کہا گزشتہ روز پاکستان میرینز کے ساتھ ملکر منشیات کے خلاف بڑی کارروائی کی، گزشتہ رات ایک سو کلو کرسٹل آئس برآمد کی ہے۔ 

وزیر ایکسائز سندھ نے مزید کہا کہ ساڑھے پانچ سو کلو چرس بھی پکڑی گئی ہے۔ مکیش چاؤلہ نے کہا گزشتہ روز محکمہ ایکسائز نے 2100 غیرملکی شراب پکڑی ہے۔

صوبائی وزیر کا مزید کہنا تھا کہ منشیات سمندری راستے سے کشتیوں کے ذریعے اسمگل کی جا رہی تھی۔ 

مکیش کمار چاؤلہ نے کہا کہ پاکستان میری ٹائم سیکیورٹی اور محکمہ ایکسائز سندھ نے مشترکہ کارروائی کی، پکڑی گئی منشیات کی عالمی مارکیٹ میں قیمت 5 سے 7 ارب ہوگی۔

انھوں نے کہا نمبر پلیٹس کے معاملے پر کچھ لوگ اجرک فوبیا کا شکار ہوگئے ہیں، اجرک سے متعلق منفی باتوں کی مذمت کرتا ہوں۔

 انھوں نے کہا 14 اگست تک شہری گاڑیاں ٹرانسفر کروا لیں۔ ہم نے کہا ہے کہ 14 اگست تک نمبر پلیٹس کی وجہ سےچالان نہیں کیا جائے گا۔

مکیش چاؤلہ نے کہا ابھی تک ہم نے 20 لاکھ نمبر پلیٹس جاری کر دی ہیں، موٹر سائیکلوں کو 12 لاکھ نمبر پلیٹس جاری کی جاچکی ہیں۔



مقالات ذات صلة

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

الأكثر شهرة

احدث التعليقات