انگلینڈ کے خلاف لارڈز میں کھیلے جا رہے ٹیسٹ میچ میں قانون کی خلاف ورزی پر بھارتی کرکٹر محمد سراج کو جرمانہ ہو گیا۔
محمد سراج نے میچ کے چوتھے روز آئی سی سی کوڈ آف کنڈکٹ کی خلاف ورزی کی، کوڈ کے آرٹیکل 2.5 کی خلاف ورزی پر ان پر میچ فیس کا 15 فیصد جرمانہ کیا گیا۔
محمد سراج نے گزشتہ روز بین ڈکٹ کی وکٹ پر جشن کے دوران بیٹر کے خلاف جارحانہ رویہ اپنایا تھا۔
محمد سراج کے ڈسپلنری ریکارڈ میں ایک ڈی میرٹ پوائنٹ کا بھی اضافہ ہوا ہے۔
واضح رہے کہ انگلینڈ اور بھارت کے درمیان لارڈز میں کھیلا جا رہا ٹیسٹ میچ دلچسپ مرحلے میں داخل ہو گیا ہے۔
میزبان انگلینڈ اور بھارت کے درمیان 5 میچز کی سیریز کا تیسرا ٹیسٹ لارڈز میں جاری ہے جہاں میچ کے 4 دن کا کھیل ختم ہو گیا اور آخری دن میچ دلچسپ مرحلے میں داخل ہو چکا ہے۔
انگلینڈ کے 193 رنز کے ہدف کے تعاقب میں بھارت نے چوتھے روز کے اختتام پر 4 وکٹ پر 58 رنز بنا لیے ہیں۔
بھارت کو میچ میں کامیابی کے لیے مزید 135رنز کی ضرورت ہے جبکہ انگلینڈ کو جیت کے لیے 6 وکٹیں درکار ہیں۔
بھارت کی جانب سے کے ایل راہول 33 رنز بنا کر کریز پر موجود ہیں۔
