میڈرڈ(اے ایف پی) یونیسکو نے فرانس کاایک تاریخی علاقہ عالمی ورثے کی فہرست میں شامل کرلیا ہے۔کارناک کی شمولیت کے بعد فرانس کے عالمی ثقافتی ورثہ کی فہرست میں شامل مقامات کی تعدادبڑھ 54 ہو گئی ہے۔یونیسکوکاکہنا ہے کہکارناک کے علاقے میں قطاروں میں کھڑے پتھرانسانی مہارت اور تخلیقی صلاحیت کا غیر معمولی ثبوت ہیں۔تفصیلات کے مطابق — اقوام متحدہ کے ثقافتی ادارے یونیسکو نے فرانس کے مغربی علاقے موربیہان میں واقع مشہور ماقبل تاریخی کارناک کے میگالتھ اور اس کے اطراف کے علاقے کو عالمی ثقافتی ورثہ کی فہرست میں شامل کر لیا۔یہ علاقہ ایک ہزار مربع کلومیٹرپرپھیلاہوا ہے اوریہ تاریخی یادگاریں عہدِ نو پتھر کے دور میں لگ بھگ دو ہزار سال کی مدت میں تعمیر کی گئیں۔ اس علاقے میں 550 سے زائد آثارِ قدیمہ کے مقامات موجود ہیں۔
