پاکستانی فاسٹ بولر محمد عباس نے جنوبی افریقا کے خلاف دوسرے ٹیسٹ میچ کے دوسرے دن اہم سنگ میل عبور کرلیا۔
کیپ ٹاؤن ٹیسٹ میں 34 سالہ فاسٹ بولر نے جنوبی افریقا کے خلاف پہلی اننگز میں 3 وکٹ اپنے نام کیں اور یوں اپنی 100 وکٹیں پوری کرلیں۔
محمد عباس نے 100 وکٹیں اپنے ٹیسٹ کیریئر کے 27ویں میچ میں حاصل کیں، انہوں نے اننگز کے دوران 27 اعشاریہ 3 اوور کرائے اور 94 رنز کے عوض 3 وکٹ حاصل کیں۔
جنوبی افریقا نے اپنی پہلی اننگز میں 615 رنز بنائے ہیں جبکہ پاکستان نے دن کے اختتام تک 3 وکٹ کے نقصان پر 64 رنز بنالیے ہیں، بابراعظم 31 اورمحمد رضوان 9 رنز پر کھیل رہے ہیں۔
1990ء میں سیالکوٹ میں پیدا ہونے والے فاسٹ بولر نے 2017ء میں ویسٹ انڈیز سے سیریز میں اپنے ٹیسٹ کرئیر کا آغا زکیا تھا۔
انہوں نے 8 سالہ کے دوران سری لنکا، آئرلینڈ ،انگلینڈ،آسٹریلیا، نیوزی لینڈ، جنوبی افریقا اور بنگلادیش کے خلاف ٹیسٹ میچز میں شاندار بولنگ پرفارمنس دی ہے۔
