آئرلینڈ کے کرٹس کیمفر نے مینز کرکٹ کی تاریخ میں منفرد ریکارڈ قائم کر دیا۔
کرٹس کیمفر نے یہ نیا اور منفرد ریکارڈ 5 گیندوں پر 5 وکٹیں لے کر بنایا ہے۔
اُنہوں نے 5 گیندوں پر 5 وکٹیں لینے کا ریکارڈ آئرلینڈ میں کھیلے گئے ایک ڈومیسٹک میچ میں بنایا ہے۔
کرٹس کیمفر نے ڈبلن میں انٹر پروینشل ٹی 20 ٹرافی میں نارتھ ویسٹ واریئرز کے خلاف منسٹر ریڈز کے لیے کھیلتے ہوئے یہ شاندار کارنامہ انجام دیا۔
اُنہوں نے جیرڈ ولسن اور گراہم ہیوم کو ایل بی ڈبلیو کر کے 12ویں اوور کا اختتام کیا اور اپنے اگلے اوور میں اگلی 3 گیندوں پر 3 وکٹیں لے کر یہ ریکارڈ بنایا۔
کرٹس کیمفر نے اپنی اس شاندار کارکردگی پر کہا کہ مجھے بالکل یقین نہیں ہو رہا تھا کہ ایسا ہو رہا ہے۔
اس میچ میں منسٹر ریڈز نے 100 رنز سے کامیابی حاصل کی۔
واضح رہے کہ زمبابوے کی خواتین کرکٹ ٹیم کی آل راؤنڈر کیلس نڈہلوو 2024ء میں ڈومیسٹک انڈر 19 میں ٹی 20 میچ کے دوران ایگلز ویمن کےخلاف کھیلتے ہوئے لگاتار 5 گیندوں پر 5 وکٹیں حاصل کرنے کے بعد یہ منفرد کارنامہ انجام دینے والی پہلی کھلاڑی تھیں۔
