بانی پاکستان تحریک انصاف (پی ٹی آئی) کی ہمشیرہ علیمہ خان نے کہا کہ 10محرم گزر گیا، اب پارٹی لائحہ عمل دے گی، بانی پی ٹی آئی نے پلان بنایا ہوا ہے۔
راولپنڈی کے گورکھ پور ناکے پر میڈیا سے گفتگو کرتے ہوئے علیمہ خان نے کہا کہ پچھلے ہفتے ہماری فیملی نے ملاقات کی تھی تو ہم نے پلان دے دیا تھا۔
انھوں نے کہا کہ پتہ نہیں پشاور سے چلیں گے اور لاہور تک جائیں گے، یہ پارٹی بتائے گی۔
علیمہ خان نے کہا کہ ہماری فیملی کو احتجاج کا پلان پتہ ہے۔ میڈیا کو اس وقت بتائیں گے جب وقت آئے گا۔
انھوں نے کہا کہ مریم نواز کو خوش کرنے کیلئے 26 ارکان کو معطل کیا گیا، بانی پی ٹی آئی جیل سے احتجاج لیڈ کریں گے، بانی نے کہا ہے وہ جیل میں آزاد ہیں، ہم باہر رہ کر بھی قید ہیں۔
