28 C
Lahore
Wednesday, July 9, 2025
ہومقومی خبریںپاکستانی ایئر لائنز کی برطانیہ میں بحالی پر پیشرفت، برطانوی ٹیم آڈٹ...

پاکستانی ایئر لائنز کی برطانیہ میں بحالی پر پیشرفت، برطانوی ٹیم آڈٹ کیلئے پہنچ گئی


پاکستانی ایئر لائنز کی برطانیہ میں پروازوں کی بحالی کے معاملے میں پیش رفت ہوئی ہے۔

سول ایوی ایشن (سی اے اے) کے ذرائع کا کہنا ہے کہ برطانوی محکمۂ ٹرانسپورٹ کی 3 رکنی ٹیم پاکستان پہنچ گئی، برطانوی ٹیم سی اے اے سے مل کر اسلام آباد ایئرپورٹ کا سیکیورٹی آڈٹ کرے گی۔

اسلام آباد ایئر پورٹ سے برطانیہ کے لیے براہِ راست پروازوں کی بحالی میں یہ آڈٹ اہم ہے، اسلام آباد ایئرپورٹ سے برطانیہ جانے والی پروازوں کی جانچ پڑتال برطانوی ٹیم کرے گی۔

برطانوی محکمۂ ٹرانسپورٹ کی ٹیم 10 جولائی تک آڈٹ مکمل کر کے روانہ ہوگی، پاکستانی ایئر لائنز کے متعلق برطانوی ایئر سیفٹی کمیٹی کا اجلاس رواں ماہ متوقع ہے۔

برطانوی محکمۂ ٹرانسپورٹ ٹیم اجلاس میں پاکستانی ایئرپورٹس اور ایئر لائنز سے متعلق رپورٹ اجلاس میں پیش کریں گے۔

سی اے اے کے ذرائع کا کہنا ہے کہ امید ہے کہ برطانوی ایئر سیفٹی کمیٹی رپورٹ کا جائزہ لے کر پاکستان پر سے پابندی ہٹا دے گی۔

واضح رہے کہ قومی ایئر لائن سمیت تمام پاکستانی ایئر لائنز پر جولائی 2020ء سے پائلٹس اسکینڈل کے بعد سے پروازوں پر پابندی عائد ہے۔



مقالات ذات صلة

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

الأكثر شهرة

احدث التعليقات