افغان طالبان نے عالمی فوجداری عدالت کے وارنٹ گرفتاری کو مسترد کر دیا۔
کابل سے خبر ایجنسی کے مطابق عالمی فوجداری عدالت کے طالبان رہنماؤں کے گرفتاری وارنٹ پر ترجمان طالبان ذبیح اللّٰہ مجاہد نے اپنے ردعمل کا اظہار کیا ہے۔
انھوں نے کہا کہ ایسے احمقانہ اعلانات شرعی قوانین سے ہماری مضبوط وابستگی اور عزم پر اثر انداز نہیں ہوں گے۔ طالبان حکومت اس عدالت کو تسلیم نہیں کرتی۔
واضح رہے کہ آج آئی سی سی نے خواتین کے خلاف جبری اقدمات پر طالبان رہنماؤں کے خلاف گرفتاری وارنٹ جاری کیے۔
وارنٹ طالبان امیر ہیبت اللّٰہ اخوندزادہ اور چیف جسٹس عبدالحکیم حقانی کے جاری کیے گئے ہیں۔
بین الاقوامی فوجداری عدالت کے ججوں کا کہنا ہے کہ ایسے شواہد موجود ہیں جن سے معلوم ہوتا ہے کہ طالبان رہنماؤں نے خواتین کے خلاف صنفی بنیادوں پر انسانیت کے خلاف جرائم یا تعصب کا ارتکاب کیا ہے۔
