اسٹیٹ بینک آف پاکستان نے مالی سال 2025ء کے اختتام پر زرِ مبادلہ ذخائر کی تفصیلات جاری کر دی۔
مالی سال 2025ء کے اختتام پر اسٹیٹ بینک آف پاکستان کے زرِ مبادلہ کے ذخائر 14.51 ارب ڈالرز رہے۔
مالی سال 2025ء میں زرِ مبادلہ کے ذخائر 5.12 ارب ڈالرز بڑھے ہیں۔
مالی سال 2024ء کے اختتام پر اسٹیٹ بینک کے زرِمبادلہ کے ذخائر 9.39 ارب ڈالرز تھے۔
کرنٹ اکاؤنٹ کی بہتری اور متوقع ان فلوز وقت پر موصول ہونے سے زرِ مبادلہ کے ذخائر بہتر ہوئے ہیں۔
اس طرح آئی ایم ایف کی ایک اور شرط پوری ہو گئی، اسٹیٹ بینک کے ذخائر فنڈ کے مقررہ 14 ارب ڈالرز کے ہدف سے زائد ہو گئے۔
