واشنگٹن (مانیٹرنگ ڈیسک )امریکی بی ٹو بمبار طیارے کے ریٹائرڈپائلٹ جنرل رابرٹ اسپالڈنگ نے فردو‘اصفہان اور نطنزمیں ایرانی جوہری تنصیبات پر حملوں کے حوالے سے کہاہے کہ امریکا کے ایران پر حملوں کے مکمل اثرات کا شاید ہمیں کبھی پتہ نہ چل سکے۔امریکی ٹی وی اے بی سی نیوز کو انٹرویو میں رابرٹ اسپالڈنگ کا کہنا تھاکہ ہمیں پتہ نہیں حملہ کتنا کارآمد تھاکیوں کہ ہدف کا مقام زمین میں کافی گہرائی میں تھااس لئے نقصان کے تعین کا اندازہ لگانا کافی مشکل ہے ۔
