کیا کائنات کے وجود میں آنے سے پہلے بھی روشنی تھی؟ اس کا جواب دینے سے پہلے ہمیں یہ سمجھنا ہوگا کہ ’کائنات کے وجود میں آنے سے پہلے‘ کا مطلب کیا ہے؟
سائنس کے مطابق کائنات کا آغاز تقریباً 13.8 ارب سال پہلے “بگ بینگ” سے ہوا۔ اور بگ بینگ سے پہلے نہ وقت تھا، نہ مکان (space) اور نہ مادہ۔
جب یہ سب کچھ نہیں تھا تو سائنسی لحاظ سے روشنی کا وجود بھی ناممکن ہے کیونکہ روشنی کا وجود “زمان و مکان” میں ہی ممکن ہوتا ہے۔
لہٰذا بگ بینگ سے پہلے “کچھ” تھا یا نہیں یہ انسانی عقل و سائنسی آلات کی دسترس سے باہر ہے۔ سائنس اسے “No Before” کہتی ہے یعنی “اس سے پہلے کچھ تھا ہی نہیں”۔
تاہم بگ بینگ کے فوراً بعد، توانائی کی ایک انتہا درجے کی حالت تھی جسے ہم “photons” یعنی روشنی کی بنیادی شکل کہہ سکتے ہیں۔ لیکن اس وقت بھی روشنی کی آزاد شعاعیں (free light) تب تک موجود نہیں تھیں۔
آزادانہ شعاعیں اس وقت وجود میں آگئیں جب کائنات اتنی ٹھنڈی ہو گئی کہ ایٹمز بننے لگے۔ یہ واقعہ تقریباً 3,80,000 سال بعد پیش آیا۔ یہی سب سے پرانی “روشنی” ہے جسے ہم آج بھی دیکھ سکتے ہیں۔
