برلن (جنگ نیوز) سابق ومبلڈن چیمپئن مارکیٹا وینڈرسووا نے برلن ٹینس اوپن کے فائنل میں چینی کوالیفائر وانگ شین یو کو شکست دے کر ٹائٹل اپنے نام کرلیا ۔ یہ 2023میں ومبلڈن کے بعد ان کی پہلی ٹرافی ہے۔ انہوں نے سیمی فائنل میں عالمی نمبر ایک آرینا سابالنکا کو زیرکرکے کورٹس میں ان کی اجارہ داری کا خاتمہ کیا تھا۔ دریں اثنا اسپین کے کارلوس الکاریز نے کوئنز ٹائٹل جیت کر ومبلڈن کیلئے اپنے عزائم واضح کردیے ۔ اتوار کو عالمی نمبر پلیئر نے فائنل میں جیری لیہیکا کو شکست دے کر اپنا دوسرا کوئنز اور کیریئر کا 21 واں ٹائٹل حاصل کیا ۔ یہ الکاراز کی لگاتار 18ویں فتح اور 2025 میں ان کا پانچواں ٹائٹل ہے۔
