امریکی میڈیا نے کہا ہے کہ امریکا نے ایران کے فردو جوہری سائٹ حملے میں 6 بنکر بسٹر بم استعمال کیے، امریکا نے دیگر ایرانی جوہری سائٹس پر حملے میں 30 ٹوماہاک میزائل استعمال کیے۔
امریکی میڈیا کے مطابق صدر ڈونلڈ ٹرمپ ایران پر مزید فضائی حملوں کا کوئی منصوبہ نہیں بنا رہے۔ صدر ٹرمپ کو امید ہے فضائی حملوں سے سفارتکاری کی راہ ہموار ہوگی۔
امریکی میڈیا کے مطابق ایران میں حکومت کی تبدیلی کا منصوبہ زیر غور نہیں۔
ایرانی تنصیبات پر حملے سے چند گھنٹے قبل امریکا نے اپنے بی ٹو بم بار طیارے بحرالکاہل کی جانب روانہ کئے تھے، یہ امریکی بم بار طیارہ 30 ہزار پاؤنڈ وزنی بنکر بسٹر بم گرا سکتا ہے۔
