روسی وزارتِ خارجہ کا کہنا ہے کہ ایرانی جوہری تنصیبات پر اسرائیل کے حملوں نے دنیا کو تباہی کے قریب پہنچا دیا ہے۔
ترجمان روسی وزارتِ خارجہ کے مطابق ایرانی جوہری تنصیبات پر اسرائیلی حملوں نے دنیا کو تباہی سے صرف ملی میٹرز کی دوری پر پہنچا دیا ہے۔
کریملن کا کہنا ہے کہ روسی صدر پیوٹن نے متحدہ عرب امارات کے صدر شیخ محمد بن زاید النہیان سے ٹیلیفونک رابطہ کیا ہے۔
کریملن کے مطابق دونوں رہنماؤں نے ایران اسرائیل تنازع کے فوری خاتمے کی ضرورت پر اتفاق کیا ہے۔
کریملن نے یہ بھی بتایا ہے کہ اس موقع پر روسی صدر پیوٹن نے ایران جوہری پروگرام پر اسرائیل اور مغربی ممالک کے تحفظات کے سفارتی حل میں ثالثی کی پیش کش پر زور دیا۔
