عوامی نیشنل پارٹی (اے این پی) کے سربراہ سینیٹر ایمل ولی خان نے کہا ہے کہ بجٹ بنانے والوں نے 60 فیصد پاکستانیوں کا جینے کا حق چھین لیا ہے۔
سینیٹ اجلاس سے خطاب میں ایمل ولی خان نے کہا کہ بجٹ غریب عوام کے ساتھ مذاق ہے، عوام کی تذلیل کی کوشش کی گئی۔ بجٹ میں چیئرمین سینیٹ اور اسپیکر قومی اسمبلی کی تنخواہ میں اضافہ کیا گیا، جو عوام کے ساتھ مذاق ہے۔
اے این پی سربراہ نے کہا کہ بانی چیئرمین پی ٹی آئی سیاسی قیدی ہیں تو مطالبہ کرتا ہوں کہ انہیں فوری طور پر رہا کریں۔
پیپلز پارٹی کے سینیٹر وقار مہدی نے کہا کہ بجٹ عوام کی امنگوں کا آئینہ دار نہیں ، عوام مایوس ہوچکے ہیں ، وفاقی حکومت کے پاس کوئی چیک اینڈ بیلنس نہیں ہے۔
ان کا کہنا تھاکہ دکانداروں نے ابھی سے 18 فیصد سولر ٹیکس لاگو کردیا ہے، وزیر خزانہ ایک دن کے لیے عوام میں جائیں تاکہ انہیں پتا چلے۔
