اسرائیلی وزیرِ اعظم نیتن یاہو نے دعویٰ کیا ہے کہ پاسدارانِ انقلاب کے انٹیلی جنس چیف اور ان کے ڈپٹی کو قتل کر دیا ہے، ایران میں ریجیم چینج اسرائیلی حملوں کے نتیجے میں آ سکتا ہے۔
ایک بیان میں نیتن یاہو نے کہا کہ تہران سے اسرائیل کے وجود کو لاحق دو خطرات کے خاتمے تک جو ضروری ہو گا کریں گے، ایران سے لاحق پہلا خطرہ جوہری اور دوسرا بیلسٹک میزائل کا ہے۔
انہوں نے کہا کہ ایران میں ریجیم چینج اسرائیلی فوجی حملوں کے نتیجے میں آ سکتی ہے، ہم نےجو کیا ناصرف اپنی حفاظت بلکہ دنیا کو بچانے کے لیے کیا۔
اسرائیلی وزیرِ اعظم نے یہ بھی کہا کہ پاسدارانِ انقلاب کے انٹیلی جنس چیف اور ان کے ڈپٹی کو قتل کر دیا، ہم دنیا کی خطرناک ترین حکومت کے پاس خطرناک ترین ہتھیار نہیں رکھ سکتے۔
