پاکستان بزنس فورم نے وزیراعظم شہباز شریف کو خط لکھ کر فنانس بل کے سیکشن 14 اے سی، 37 بی، 37 اے اے اور 14 اے ڈی پر نظرثانی کا مطالبہ کر دیا۔
خط میں صدر بزنس فورم نے کہا کہ فنانس بل کے سیکشن 37 اے اے نے پورے ملک کی بزنس کمیونٹی کو ہلا کر رکھ دیا ہے، سیکشن 37 اے اے کو فوری واپس لیا جائے۔
صدر پاکستان بزنس فورم کا کہنا تھا کہ ان اقدامات سے بزنس کمیونٹی کا کانفیڈنس سخت متاثر ہوگا، سمجھ سے بالاتر ہے کہ بزنس کمیونٹی کےلیے گرفتاری کے احکامات ڈالے گئے۔
خط میں یہ بھی کہا گیا کہ وزیراعظم سے ہمیں توقعات ہیں کہ وہ اس فنانس بل کو ٹھیک کروائیں گے۔
