لاہور کے علاقے غازی آباد کے مکان میں دھماکے سے گھر زمین بوس ہو گیا۔
ملبے تلے دب کر زخمی نوجوان اسپتال میں دم توڑ گیا، جس کے بعد دھماکے میں ہلاکتوں کی تعداد 2 ہو گئی۔
پولیس کا کہنا ہے کہ حادثہ 4 دن پہلے پیش آیا تھا، گھر میں دھماکے کی سی سی ٹی وی ویڈیو بھی سامنے آ گئی۔
ویڈیو میں دیکھا جا سکتا ہے کہ گلی میں ایک شخص موٹر سائیکل پر بیٹھا ہوا ہے۔
موٹر سائیکل سوار نے اپنے گھر کا گیٹ بند کر کے بائیک کو تھوڑا آگے کیا،
موٹر سائیکل سوار کے بائیک آگے کرتے ہی عقب والے گھر میں دھماکا ہو گیا۔
اہلِ محلہ کا کہنا ہے کہ دھماکے سے تباہ ہونے والے گھر کا ملبہ تاحال نہیں ہٹایا گیا۔
پولیس کا کہنا ہے کہ گھر کا ملبہ اٹھانے کے لیے مشینری چھوٹی گلی میں داخل نہیں ہو پا رہی، ملبہ ہٹا کر تحقیقات کی جائیں گی کہ دھماکا سلنڈر پھٹنے سے ہوا یا دھماکا خیز مواد سے۔
