ایم کیو ایم نے روڈ کٹنگ کی مد میں ترقیاتی کام نہ ہونے پر تشویش کا اظہار کیا ہے۔
ایم کیو ایم کے رکنِ سندھ اسمبلی عامر صدیقی نے ڈی سی کراچی شرقی اور اینٹی کرپشن سندھ کو مراسلہ تحریر کیا ہے۔
مراسلے کی کاپی ایس ایس جی سی کے ایم ڈی، چیئرمین انکوائریز اور اینٹی کرپشن سندھ کو بھی ارسال کیا ہے۔
عامر صدیقی نے اپنے مراسلے میں کہا ہے کہ روڈکٹنگ کی مد میں موجود رقم کے شفاف استعمال کو یقینی بنایا جائے، سوئی سدرن کی گیس لائنوں کے لیے روڈ کٹنگ کی گئی۔
انہوں نے کہا ہے کہ جناح ٹاؤن میں روڈ کٹنگ کی مد میں سوئی گیس کمپنی نے 84 کروڑ روپے کی رقم ادا کی، رقم میں خورد برد کا امکان ہے۔
دریں اثناء رکنِ سندھ اسمبلی عامر صدیقی کے مراسلے پر اینٹی کرپشن سندھ نے ڈپٹی کمشنر کراچی ایسٹ کو خط تحریر کیا ہے۔
اینٹی کرپشن نے ڈپٹی کمشنر کراچی شرقی کو فوری طور پر معاملے کو دیکھنے کو کہا ہے۔
اینٹی کرپشن کے خط میں کہا گیا ہے کہ روڈ کٹنگ کے بعد سڑکوں کی بحالی کے کام سے متعلق شکایت کو فی الفور دیکھا جائے۔
