ڈراما سیریل ’ڈائن‘ میں کام کرنے کا احسن خان نے کتنا معاوضہ لیا؟ اس حوالے سے اداکار نے سب بتا دیا۔
احسن خان نے بتایا ہے کہ جیو کے ڈرامے ’ڈائن‘ میں کام کرنے کا معاوضہ 1 کروڑ روپے لیا۔
سیونتھ اسکائی، عبداللّٰہ کادوانی اور اسد قریشی کی پیشکش ڈرامہ سیریل ڈائن نے اپنی ابتدائی اقساط سے ناظرین کے دل جیت لیے جس میں نامور اداکار احسن خان اور مہوش حیات کی جوڑی نے دھوم مچا رکھی ہے۔
ڈرامے کی غیر معمولی مقبولیت پر اداکار احسن خان بے حد خوش دکھائی دے رہے ہیں، انہوں نے میڈیا کو بتایا کہ میں نے مہوش حیات کے ساتھ ماضی میں بھی کئی ڈراموں میں کام کیا ہے۔
ان کا کہنا ہے کہ ناظرین ہمیں ایک ساتھ اسکرین پر پسند کرتے ہیں، میں نے ڈرامہ سیریل ڈائن میں کام کرنے کا 1 کروڑ روپے معاوضہ لیا ہے۔
ڈرامے کی کہانی ستم سہنے کی روداد نہیں بلکہ غضب ڈھاتی پیش قدمی ہے جو ہر پیر اور منگل کی رات 8 بجے ’جیو ٹی وی‘ سے نشر کی جاتی ہے۔
سیریل کی کہانی فاطمہ فیضان اور عنبر اظہر نے تحریر کی ہے جبکہ ڈرامے کی دلکش ہدایات سراج الحق نے دی ہیں۔
