( 24 نیوز ) پاکستان کرکٹ بورڈ (پی سی بی) اور بنگلہ دیش کرکٹ بورڈ کے درمیان مذاکرات کامیاب ہوگئے۔
پاکستان کرکٹ بورڈ (پی سی بی) کی جانب سے جاری کردہ اعلامیے میں تصدیق کی گئی ہے کہ دونوں بورڈز کے سربراہان کے درمیان دبئی میں مذاکرات کامیاب ہوگئے ہیں۔
چیئرمین پی سی بی محسن نقوی اور بنگلہ دیش کرکٹ بورڈ کے چیئرمین و صدر کے درمیان طویل ملاقات ہوئی جس میں فیصلہ ہوا کہ بنگلہ دیش کرکٹ ٹیم سیریز کھیلنے پاکستان آئے گی۔
یہ بھی پڑھیں:ٹوئنکل کھنہ کا پاکستانی فنکاروں کے بارے میں جرأت مندانہ اقدام۔۔۔۔
ملاقات کے بعد طے پایا کہ بنگلہ دیش ٹیم پاکستان کا دورہ کرے گی اور 3 ٹی ٹوئنٹی میچز کھیلے جائیں گے۔
پاکستان اور بنگلہ دیش کے درمیان تین ٹی ٹوئنٹی میچز یکم، 3 اور 5 جون کو لاہور کے قذافی سٹیڈیم میں کھیلے جائیں گے۔
چیئرمین پی سی بی محسن نقوی نے دورہ پاکستان فائنل کرنے پر بنگلہ دیش کرکٹ بورڈ کے چیئرمین اور صدر سے اظہار تشکر کیا ہے۔
قبل ازیں بنگلہ دیش اور پاکستان کے درمیان 5 ٹی20 میچز کی سیریز شیڈولڈ تھی، سیریز کیلئے 25 مئی سے 3 جون تک شیڈول کا اعلان کیا گیا تھا، پی سی بی کی جانب سے سیریز 27 مئی سے 5 جون تک کرانے کی تجویز دی گئی تھی۔
