(24نیوز)وزیر تعلیم پنجاب رانا سکندر حیات نےسکولوں میں گرمیوں کی چھٹیوں کے حوالے سے بیان میں کہا ہے کہ گرمیوں کی چھٹیاں جلد دینے پرمشاورت جاری ہے،چھٹیوں کا حتمی فیصلہ 3سے 4دن میں ہو جائے گا۔
وزیر تعلیم پنجاب کاکہناتھا کہ فی الحال گرمیوں کی چھٹیوں کی تاریخ یکم جون ہی ہے،لرننگ لاسز پورے کرنے کی کوشش کررہے ہیں،یقینی بنانا ہے کہ تعلیمی نقصان مزید نہ بڑھے،ان کا کہنا تھا کہ ہیٹ ویو کی شدت کے پیش نظر حفاظتی ہدایات جاری کی گئی ہیں،طلبا جاری ہدایات پر عمل کرکے ہیٹ ویو کے اثرات سے خود کو محفوظ رکھیں۔
یہ بھی پڑھیں: سرکاری گرلز سکول بند
دوسری جانب ڈسٹرکٹ ایجوکیشن اتھارٹیز کی غفلت سے 38 ہزار سرکاری سکولز مالی مشکلات سے دوچار ہیں،4 ماہ گزرنے کے باوجود سکولوں کو نان سیلری بجٹ جاری نہ ہوسکا۔
38 ہزار سرکاری سکول 4 ماہ سے نان سیلری بجٹ سے محروم،ڈیڑھ ماہ پہلے محکمہ خزانہ کیجانب سے سکولوں کو این ایس بی جاری کیا گیا تھا۔ لاہور کے ایک ہزار سے زائد سرکاری سکولوں تاحال این ایس بی نہیں مل سکا۔
لاہور کے سکولوں کے لیے 12 کروڑ90 لاکھ روپے جاری کیے گئے تھے،سکولوں کو 25 جنوری کو آخری دفعہ فنڈز جاری ہوئے تھے،مالی سال ختم ہونے کو ہے لیکن ابھی تک سکولوں کو دوسری اور چوتھی سہ ماہی کی قسط جاری نہیں ہوسکی۔
