کراچی (اسٹاف رپورٹر) بنگلہ دیش حکومت نے کرکٹ بورڈ کو ٹیم پاکستان بھیجنے کی ہدایت کردی ہے۔ توقع ہے کہ بورڈ دورہ پاکستان کے بارے میں منگل کو فیصلہ کرے گا ۔ کرکٹ بورڈ کھلاڑیوں سے رابطہ کرکے رائے لے رہا ہے۔ پاکستان نے دورے کا نیا شیڈول منظوری کے لئے بھیجا ہے۔ ذرائع کا کہنا ہے کہ شارجہ میں عرب امارات کے خلاف ایک میچ میں اضافہ ہوگیا ہے اس لئے پاکستان میں میچوں کی تعداد کم کی جاسکتی ہے لیکن پی سی بی کا کہنا ہے کہ 5 ٹی 20 میچوں کی سیریز 27 نومبر سے شروع ہونے کا امکان ہے۔
