خاتون ٹیچر کے قتل کے روپوش ملزم سابق پولیس کانسٹیبل کی گرفتاری میں مدد دینے والے کیلئے انعام کا اعلان کردیا گیا۔
سندھ کے ضلع قمبر شہداد کوٹ کے گوٹھ راہوجہ کے قریب پولیس اہلکار نے فائرنگ کرکے لیڈی ٹیچر کو قتل کردیا تھا، خاتون ٹیچر کو شادی سے انکار پر اہلکار نے قتل کیا تھا، ملزم کی تلاش جاری ہے۔
سینئر سپرنٹنڈنٹ آف پولیس کا کہنا ہے کہ خاتون پرائمری ٹیچر کے قتل کے روپوش ملزم کی گرفتاری میں مدد کیلئے انعام کا اعلان کیا گیا ہے، ملزم سابق پولیس کانسٹیبل کی معلومات دینے والے کو 10لاکھ روپے دیے جائیں گے۔
ایس ایس پی کا کہنا ہے کہ ملزم فرید حاصلو نے7 اپریل کو خاتون ٹیچر صدف حاصلو کو فائرنگ کرکے قتل کیا تھا، قتل کی واردات کے بعد پولیس کانسٹبل کو ملازمت سے برطرف کیا گیا تھا۔
