(24 نیوز)قومی کرکٹرز کے سینٹرل کنٹریکٹس 26-2025 کے حوالے سے ابتدائی مشاورت جاری ہے۔
تین سالہ فنانشل اسٹرکچر کا یہ آخری سال ہو گا، سینٹرل کنٹریکٹس میں بڑے پیمانے پر تبدیلی کا امکان نہیں ہے۔ 25-2024کے سیزن میں اچھا پرفارم کرنے والے کرکٹرز سینٹرل کنٹریکٹس میں جگہ بنا سکتے ہیں۔
ذرائع کا کہنا ہے کہ بعض کھلاڑیوں کی کیٹیگریز میں ردو بدل کیا جا سکتا ہے جبکہ فخر زمان، حسن علی اور فہیم اشرف کی کنٹریکٹس میں واپسی ہو سکتی ہے، ڈومیسٹک کے پرفارمرز کو ایمرجنگ کی صورت میں ڈی کیٹیگری میں شامل کیا جائے گا۔
یہ بھی پڑھیں:بنگلہ دیش کا نیا نقشہ جاری ،بھارت میں کھلبلی۔۔۔۔
قومی کرکٹرز کے سینٹرل کنٹریکٹس کی مدت 30 جون کو ختم ہو گی، سینٹرل کنٹریکٹس کے فنانشل اسٹرکچر کا یہ تیسرا اور آخری سال ہے۔ تین سالہ فنانشل اسٹرکچر کی منظوری ذکاء اشرف کے دور میں 2023 میں دی گئی تھی۔
چیئرمین پی سی بی محسن نقوی نے گزشتہ سال بھی فنانشل اسڑکچر میں کوئی تبدیلی نہیں کی تھی اور اب بھی تبدیلی کا امکان نہیں ہے۔
گزشتہ برس پی سی بی نے 27 اکتوبر کو سینٹرل کنٹریکٹس یافتہ کھلاڑیوں کا اعلان کیا تھا۔ گزشتہ برس اے میں 2 بی میں 3 سی میں 9 اور ڈی کیٹیگری میں 11 کھلاڑی شامل تھے۔
