( 24 نیوز )قومی ٹیم کے نئے ہیڈکوچ مائیک ہیسن نے مبینہ طور پر بابراعظم اور محمد رضوان کو دوبارہ ٹی20 سیٹ اَپ میں لیکر آجائیں گے۔
میڈیا رپورٹس میں دعویٰ کیا گیا ہے کہ نو منتخب پاکستانی ٹیم کے ہیڈکوچ مائیک ہیسن بابراعظم اور محمد رضوان کو دوبارہ ٹی20 اسکواڈ میں شامل کرنے کے خواہاں ہیں اور انہیں آئندہ ایشیاکپ 2025 اور ٹی20 ورلڈکپ 2026 کیلئے ٹیم میں واپسی کروانا چاہتے ہیں۔
بنگلادیش کے خلاف آئندہ ہوم سیریز میں ہیڈکوچ رضوان اور بابراعظم کی جوڑی واپس لانے کے خواہشمند ہیں جبکہ دورہ نیوزی لینڈ میں بدترین کارکردگی پر انہیں ٹی20 اسکواڈ سے ڈراپ کردیا گیا تھا۔
یہ بھی پڑھیں:عالمی مقابلہ،پاکستانی زیتون کاتیل بہترین قرار، کون سے علاقے کا ہے ؟
ہیڈکوچ کے قریبی ذرائع کا کہنا ہے کہ ہیسن بابراعظم اور رضوان کی تکنیک کو بہتر بنانے کے علاوہ انکے اسٹرائیک ریٹ کو بہتر کرنے کی کوشش کررہے ہیں تاکہ جارحانہ انداز کیساتھ کھلوایا جاسکے۔
پاکستان کی اگلی ٹی20 سیریز بنگلادیش کیخلاف شیڈول ہے جس میں دونوں کی واپسی متوقع ہے جبکہ انہیں کَن نمبرز پر کھلایا جائے گا، اس حوالے سے قیاس آرائیاں ہورہی ہیں کیونکہ فخر زمان اور صائم ایوب بھی ٹیم میں واپس آچکے ہیں۔
