نئی دہلی(جنگ نیوز) بھارت میں بکنگ کمپنیوں نے بتایا کہ بھارت اور نئی دہلی کے درمیان حالیہ تنازعے میں پاکستان کی حمایت کرنے کے بعد بھارتی شہری ترکی اور آذربائیجان کے مقبول تفریحیمقامات پر اپنی چھٹیاں منسوخ کر رہے ہیں۔ بھارتیوں کیلئے مقبول چھٹیوں کے مقامات، ترکی اور آذربائیجان ہیں نے بھارت کے حملوں کے بعد اسلام آباد کی حمایت میں بیانات جاری کیے تھے۔ ایک ٹریول کمپنی ترجمان نے کہا، “آذربائیجان اور ترکی کے لیے بکنگ میں 60فیصد (گزشتہ ہفتے کے دوران) کمی واقع ہوئی ہے جبکہ اسی عرصے کے دوران منسوخیوں میں 250فیصد اضافہ ہوا ہے۔” ایک اور ٹریول کمپنی کے چیف ایگزیکٹو آفیسر، ریکانت پٹی نے کہا کہ پلیٹ فارم پر ترکی کے لیے منسوخیوں میں 22 فیصد اور آذربائیجان کے لیے 30فیصد اضافہ دیکھا گیا ہے یہ سب “حالیہ پاک بھارت کشیدگی کی وجہ سے”۔ انہوں نے مزید کہا کہ مسافر جارجیا، سربیا، یونان، تھائی لینڈ اور ویتنام منتقل ہو گئے ہیں۔ ایک اور ٹکٹنگ پلیٹ فارم نے اس سے قبل ایک سوشل میڈیا پوسٹ میں کہا تھا کہ وہ ترکی، آذربائیجان اور چین کے لیے پرواز اور ہوٹل کی بکنگ معطل کر دے گا۔ ایز مائی ٹرپ کے بانی اور چیئرمین نشانت پٹی نے سوشل میڈیا پوسٹ میں کہا کہ گزشتہ سال 287,000 بھارتیوں نے ترکی اور 243,000 نے آذربائیجان کا دورہ کیا۔ پٹی نے کہا، “جب یہ ممالک کھلے عام پاکستان کی حمایت کرتے ہیں، تو کیا ہمیں ان کی سیاحت اور ان کی معیشتوں کو ایندھن دینا چاہیے؟”
