(ویب ڈیسک)بانی پی ٹی آئی عمران خان کے بیٹوں قاسم اور سلیمان نے کہا ہے کہ ہم والدکی رہائی کے لیے امریکی صدر ٹرمپ سے مددکی درخواست کریں گے۔
بانی پی ٹی آئی کے بیٹوں کا والد کی گرفتاری کے بعد پہلا بیان منظر عام پر آگیاجس میں قاسم اورسلیمان نے کہاہے کہ وہم وگمان میں بھی نہیں تھا کہ بانی پی ٹی آئی کو اتنا عرصہ جیل میں رکھا جائے گا، حالات بد سے بدتر ہوتے جارہے ہیں، ہمارے پاس زیادہ آپشنز نہیں بچے، فیصلہ کیا ہے کہ عوامی سطح پر آکر بات کرنا ہی واحد راستہ ہے، چاہتے ہیں والد کی رہائی سے متعلق پاکستان پر بین الاقوامی دباؤ ہو، امریکی صدر سے مدد کی درخواست کریں گے۔
یہ بھی پڑھیں:منی لانڈرنگ کیس:چودھری پرویز الٰہی نے بریت کی درخواست دائرکردی
انہوں نے کہا کہ والدکو بنیادی انسانی حقوق سے محروم رکھا گیا ہے، ان پر ایسے بھی مقدمات ہیں جن میں سزائے موت ہوسکتی ہے، ہم قانونی راستے اپنا چکے، ہم نے ہر وہ راستہ اپنایا جو ان کی رہائی میں مددگار ہوسکتا تھا، ہم اپنے والد کو آزاد کرانے اور پاکستان میں جمہوریت لانے کی جدوجہد کررہے ہیں، ہمیں نہیں لگتا کہ والد جیل سے رہائی کیلئے کوئی ڈیل کریں گے۔
