سوشل میڈیا پر شہرت حاصل کرنے والے متنازع مزاحیہ گلوکار چاہت فتح علی خان ایک بار پھر خبروں میں ہیں اور اس بار ان کی وائرل ویڈیو سوشل میڈیا صارفین کے غصے کی زد میں آ گئی ہے۔
مشہور اسٹیج اداکارہ خوشبو کے ساتھ ان کے رقص کی ویڈیو کو غیراخلاقی اور نامناسب قرار دیا جا رہا ہے۔
ویڈیو میں دیکھا جا سکتا ہے کہ چاہت فتح علی خان خوشبو کے ساتھ اپنے وائرل گانے بدو بدی پر رقص کر رہے ہیں۔ خوشبو شروع میں پُرجوش دکھائی دیں، لیکن جیسے ہی چاہت فتح نے نازیبا انداز میں قریب آنے کی کوشش کی، تو خوشبو نے خود کو سنبھالا اور فاصلہ قائم رکھتے ہوئے پرفارمنس مکمل کی۔
یہ کلپ سوشل میڈیا پر تیزی سے وائرل ہو گیا اور دیکھتے ہی دیکھتے عوامی تنقید کا طوفان آ گیا۔
سوشل میڈیا پر ہزاروں افراد نے اس ویڈیو پر تبصرے کیے، جس میں شدید ناپسندیدگی کا اظہار کیا گیا۔
صارفین کا کہنا ہے کہ پہلی بار خوشبو کو کسی سے خوفزدہ دیکھا ہے، یہ شخص خود کو فنکار کہتا ہے؟ یہ خود ایک مذاق بن چکا ہے، یہ دن بہ دن زہریلا ہوتا جا رہا ہے۔
کئی افراد نے خوشبو اور ان کے شوہر ارباب خان پر بھی سوالات اٹھائے کہ وہ ایسے افراد کے ساتھ کیوں کام کر رہی ہیں۔
چاہت فتح علی خان نے 2024ء میں اپنے گانے بدو بدی سے سوشل میڈیا پر شہرت حاصل کی، جسے بعد میں کاپی رائٹ خلاف ورزی کے باعث یوٹیوب سے ہٹا دیا گیا۔ اس کے بعد انہوں نے مسلسل متنازع اور غیر سنجیدہ مواد اپلوڈ کرنا شروع کیا، جس میں اکثر خواتین فنکاروں کے ساتھ غیر اخلاقی حرکات شامل تھیں۔
