بھارتی فوج نے رافیل طیارہ گرنے کا بالواسطہ اعتراف کرلیا، میڈيا بریفنگ میں بھارتی ایئر مارشل اے کے بھارتی نے کہا کہ نقصانات لڑائی کا حصہ ہوتے ہیں۔
میڈیا کی طرف سے رافیل گرنے کا سوال بھی بھارتی فوج کے لیے مصیبت بن گیا، سوشل میڈيا پر منچلوں نے خوب مزے لیے۔
بھارتی فوج نے اپنی دوسری پریس بریفنگ میں ایک بار پھر آپریشن میں بھارتی طیاروں سے متعلق سوال پر جواب دینے سے گریز کیا۔
بھارتی صحافی نے آپریشن میں شامل بھارتی طیاروں کی تعداد کا پوچھا تو ایئر مارشل اے کے بھارتی نے کہا کل بھی بتایا تھا کہ اس لڑائی کی تفصیلات ابھی نہیں بتا سکتے، یہ تکنیکی اور آپریشنل تفصیلات ہیں ہاں یہ کہہ سکتے ہیں کہ یہ بہت مختلف معرکہ تھا۔
