(ویب ڈیسک)محکمہ صحت پنجاب نے بغیر اجازت غیرحاضر ڈاکٹروں کی تنخواہیں فوری طور پر بند کرنے کا حکم دے دیا۔
گرینڈ ہیلتھ الائنس کا پنجاب اسمبلی کے سامنے دھرنا اور ہسپتالوں کی او پی ڈیز کی بندش کے معاملے پر محکمہ صحت نے بغیر اجازت غیرحاضر ڈاکٹروں کی تنخواہیں فوری طور پر بند کرنے کا حکم دے دیا ہے۔
محکمہ صحت پنجاب نے تمام ہسپتالوں کے میڈیکل سپرٹنڈنٹس کواس حوالے سے مراسلہ بھی جاری کردیاہے،مراسلے کے مطابق ڈاکٹرز کے متعلقہ ہسپتال واپس رپورٹ کرنے کے بعد تنخواہ بحال کی جائیگی۔
یہ بھی پڑھیں:تکنیکی و آپریشنل وجوہات،14پروازیں منسوخ،7کا شیڈول متاثر
مراسلے کے مطابق بغیراجازت غیرحاضر ڈاکٹروں کیخلاف تادیبی کارروائی شروع کردی گئی ہے، تمام ڈاکٹرز، نرسزاورالائیڈ ہیلتھ اسٹاف کی چھٹیوں پر بھی پابندی عائد کردی گئی ہے۔ڈاکٹرز، نرسز اور الائیڈ ہیلتھ اسٹاف کو فوری اپنی ڈیوٹی پر آنے کی ہدایت کردی گئی ہے۔
