پیرس( رضا چوہدری / نمائندہ جنگ ) فرانس میں مقیم پاکستانی اور کشمیری کمیونٹی نے پاکستان اور بھارت کےدرمیان جنگ کے دوران افواج پاکستان اور پاک فوج کے شاہینوں کی بے مثال کارکردگی بھارتی جارحیت کا منہ توڑ جواب دینے اور آپریشن بنيان مرصوص کی کامیابی پر یومِ تشکر اور جشن منایا ۔ جنگ سے گفتگو کرتے ہوئے جشن میں شامل شرکاء پاکستان مسلم لیگ ن فرانس کے جنرل سیکرٹری رانا محمود علی ، تصویر حسین تارڑ ، راجہ اشفاق احمد ، خان اصغر خان صدر یوتھ ونگ ، چوہدری شہباز کسانہ ، عصمت گوندل ، راجہ علی ، ملک ارشاد آحمد ، چوہدری محمد حسین ، کشمیری راہنما مرزا آصف جرال اور راجہ ابرار حسین نے کہا کہ یہ اللہ تعالہ کے خصوصی فضل کرم سے ہماری مسلح افواج نے انڈین وزیر اعظم کے غرور تکبر کو خاک میں ملانے کے رکھ دیا اور انڈین آرمی کو دندان شکن جواب دے شکت فاش سے دوچار کردیا ۔اس موقع پر معروف نعت خوان حافظ معظم نے خصوصی دعا کرائی اور ایک دوسرے کو مٹھائی بھی کھلائی گئی۔
