(ویب ڈیسک)ایف آئی اے نے بیرون ملک ملازمت کا جھانسہ دے کر لاکھوں روپے بٹورنے والے 3 افراد کو گرفتار کرلیا۔
ایف آئی اے گوجرانوالہ نے کامونکی اور نارووال میں کارروائیاں کرتے ہوئے 3 انسانی اسمگلر کو گرفتار کرلیا،یہ گرفتار ملزمان تنویر، قیصر اور اختر انسانی اسمگلنگ اور ویزہ فراڈ میں ملوث ہیں اور بیرون ملک ملازمت کا جھانسہ دے کر لاکھوں روپے بٹورتے رہے ہیں۔
ترجمان ایف آئی اے کا کہنا تھا کہ ملزم تنویراخترسے3پاکستانی پاسپورٹ برآمد ہوئےجس پروہ تسلی بخش جواب نہ دے سکا، ملزم متعدد شہریوں کو بیرون ملک بھجوانے کیلئے فی کس 40سے50 لاکھ روپے لیتارہا ہے.
یہ بھی پڑھیں:آر جے مہوش اورکرکٹر یوزویندر چہل کی ڈیٹنگ کی افواہیں پھر سرگرم
وفاقی تحقیقاتی ادارے کے مطابق ملزم قیصرنے شہری کو رومانیہ ملازمت کیلئےبھجوانے پرساڑھے19لاکھ روپے لئے جبکہ ملزم اختر علی نے بھی شہری کوبھجوانے کے لیے 54 لاکھ روپے سے زائد ہتھیائے۔
حکام کا کہناہے کہ گرفتارملزمان بھاری رقوم لیکر روپوش ہوگئے تھے،تاہم مزید تفتیش جاری ہے۔
