اسپینش لیگ فٹ بال میں بارسلونا نے ریال میڈرڈ کو سنسنی خیز میچ میں 3 کے مقابلے میں 4 گول سے شکست دے دی، ٹیبل پر اُسے ریال میڈرڈ پر 7 پوائنٹس کی برتری حاصل ہو گئی۔
کیٹولینا میں ال کلاسکو کی صورت میں دونوں کلبز کے درمیان یہ سیزن کا چوتھا مقابلہ تھا جس میں کھلاڑیوں نے شاندار کھیل پیش کیا۔
ابتداء میں ریال میڈرڈ کا پلہ بھاری رہا جس نے 14 منٹ میں 2 گول کی سبقت حاصل کر لی۔
یہ دونوں گول ایم باپے نے اسکور کیے لیکن پھر گارسیا اور یامال نے گول کر کے بارسلونا کو ہم پلہ بنا دیا، 2 منٹ بعد بارسلونا کے رافینا نے ٹیم کے لیے تیسرا گول کیا۔
پہلے ہاف کے اختتام سے ذرا پہلے اُنہوں نے ایک بار پھر گیند کو ریال میڈرڈ کے جال میں پہنچا کر برتری چار دو کر دی۔
دوسرے ہاف میں ریال میڈرڈ کے کھلاڑیوں نے خسارے کو پورا کرنے کی بھرپور کوشش کی۔
کھیل کے سترہویں منٹ میں ایم باپے اپنا تیسرا گول کر کے ہیٹ ٹرک بنانے میں کامیاب رہے مگر ریال میڈرڈ کھیل کے اختتام تک میچ برابر نہ کرپائی۔
بارسلونا نے یہ مقابلہ چار تین کے اسکور سے جیتا، ٹیبل پر وہ مجموعی طور پر 82 اور ریال میڈرڈ سے سات پوائنٹس کی برتری کے سبب پہلی پوزیشن پر موجود ہے اور اُس کے ٹائٹل جیتنے کی اُمیدیں بھی بڑھ گئی ہیں۔
