(24 نیوز)خوبصورت لکھائی صرف ایک مواصلات کا ذریعہ نہیں ہے، بلکہ یہ انسان کی شخصیت، توجہ، اور تخلیق کرنے کی صلاحیت کی عکاسی کرتی ہے، انسان کے ہاتھوں کی مہارت اور خوبصورتی ابھی تک زندہ ہے اور ان افراد میں سے ایک ہے پراکرتی مالا، جو نیپال کی ایک نوجوان لڑکی ہے، جس نے دنیا بھر میں اپنی غیر معمولی رائٹنگ کے باعث شہرت حاصل کی۔
پراکرتی مالا، نیپال کی ایک نوجوان لڑکی، نے اپنی خوبصورت رائٹنگ کے ذریعے دنیا بھر کی توجہ حاصل کی صرف 16 سال کی عمر میں، اس کی رائٹنگ نے سوشل میڈیا پر دھوم مچا دی تھی اس کا اندازِ تحریر محض صاف اور واضح نہیں تھا، بلکہ ہر ایک حرف میں ایک نوع کی خوبصورتی اور نرمیت تھی جس نے لوگوں کو اپنا دیوانہ بنا لیا۔
مزید پڑھیں:امریکی خاتون کا 38 ہزار چمچ جمع کرنے کا ریکارڈ
اس کی شہرت کا آغاز اُس وقت ہوا جب اُس نے آٹھویں جماعت کا ایک اسائنمنٹ مکمل کیا جس کا عکس سوشل میڈیا پر وائرل ہوا۔ اُس کے شاندار اور خوبصورت اندازِ تحریر نے دنیا بھر کے لوگوں کو مسحور کر لیا، اور اُسے ’دنیا کی سب سے خوبصورت رائٹنگ‘ کا لقب دیا گیا اُس کی رائٹنگ یا لکھائی کے انوکھے انداز اور عمر کے لحاظ سے غیر معمولی مہارت نے ہر طرف تعریفوں کا سلسلہ شروع کر دیا۔
پراکرتی کی غیر معمولی کامیابی کو اس کے اپنے ملک نیپال نے بھی نظرانداز نہیں کیا۔ متحدہ عرب امارات (یو اے ای) کے سفارتخانے نے پراکرتی کی خطاطی کی مہارت کو سراہا اور ایک خصوصی موقع پر اُس کے ہاتھ سے لکھا ایک مبارکباد کا خط وصول کیا۔ یہ خط یو اے ای کے 51ویں ’اسپرٹ آف دی یونین‘ کے موقع پر لیڈرشپ اور عوام کے نام تھا۔ یو اے ای کے سفارتخانے نے اس موقع پر ایک پوسٹ کی، جس میں پراکرتی کو ’دنیا کی بہترینررائٹنگ‘ کا لقب دیا گیا۔
